O sol chámase Lourenzo
e é un señor moi finchado
que está no alto do ceo
todo o día rebrillando.
Vai vestido de marelo,
leva chaleque encarmado.
Moi seguro de si mesmo
a súa calor nos vai dando.
O sol chámase Lourenzo
e é un señor moi señalado.
¡Se non fora polo sol
estaría o mundo xeado!
Só o sol manda no ceo,
moi solemne,moi barbado.
¡As súas barbas son os raios
con que nos vai alumado!
Manuel María
